हेलो सेन्सेइ (६१) यस्तो छः अक्टुबरदेखि लागू हुने नयाँ इन्भोइसिङ सिष्टम

टोकियो – जापानमा रहेका नेपालीहरुका लागि भिसा, यहाँको करप्रणाली, व्यवसायिक कारोवारको लेखा व्यवस्थापन र सो संग सम्बन्धित लाग्ने कर लगायतका बिषयमा जानकारी होस् भन्ने उद्देश्यले सुरु गरिएको स्तम्भ ‘हेलो सेन्सेइ !’ मा यसपटक हामी आगामी अक्टोबर १ देखि जापानमा सुरु हुन गईरहेको उपभोग कर (स्योहिजेइ) संग सम्बन्धित नयाँ इन्भोइस सिष्टमको बारेमा जानकारी गराउने प्रयास गरिएको छ ।
इन्भोइस सिस्टम भन्नाले कुनै कम्पनी वा कोउजिन जिग्योउ (व्यक्तिगत ब्यवसाय) उपभोग करको हिसाब गर्दा कर कार्यालयमा दर्ता भएको स्योहिजेइ इन्भोइस सिस्टम नम्बर भएका रसिदहरूलाई मात्र मान्यता दिईने सिस्टम हो ।
कम्पनी वा व्यक्तिगत व्यवसायीले ग्राहकलाई इन्भोइस वा रसिद दिंदा कम्पनी वा व्यक्तिगत व्यवसाय स्योहिजेइ इन्भोइस सिस्टम नम्बर दर्ता गरेको छैन भने, रसिद लिने ग्राहकले उपभोग कर हिसाब गर्दा यो उपभोग कर घटाउन मिल्दैन ।
इन्भोइस नम्बरको कर कार्यालयमा आवेदन दिने अन्तिम मिति यो वर्षको मार्च ३१ सम्म हो । इन्भोइस प्रणाली भनेको के भन्ने बारेमा सरल ढंगले बुझ्नका लागि उदाहरणका लागि, अहिलेसम्म ट्याक्सको हिसाब गर्दा खर्च भएको बिल भएमा खर्च देखाई उपभोग कर घटाउन मिल्थ्यो भने अब यस वर्षको अक्टुबरदेखि दर्ता भएको इन्भ्वाइस नम्बरसहितको सेइक्युस्यो र रसिदलाई मात्र मान्यता दिईने भएकोले खर्चका रूपमा प्रयोग गर्न सकिने र उपभोग कर घटाउन मिल्ने भएको छ । तसर्थ, यदि रेस्टुरेन्ट कोउजी गर्दा कोउजी गर्ने कम्पनीले इन्भोइस नम्बर दर्ता नगरेको भएमा त्यो कोउजीको रसिद खर्चमा समावेश गरी उपभोग कर घटाउन मिल्दैन ।
रेष्टुरेन्ट अथवा स्टोर बिजनेशका लागि खाना र पेय पदार्थ किनमेल गर्दा सो कम्पनीले इन्भोइस नम्बर दर्ता गरेको छैन भने त्यस्ता कम्पनी वा पसलले उपलब्ध गराएको रसिद वा बिलको मान्यता हुँदैन । फलस्वरुप खेस्सान गर्दा उपभोग कर सामान्य भन्दा बढी हुन जान्छ ।
इन्भोइस नम्बर दर्ता गरेको कम्पनी छ भने ग्राहकहरूले कम्पनीलाई तिरेको पैसा ग्राहकको उपभोग करमा हिसाब गर्दा खर्चमा समावेश गर्न सकिने र ग्राहकको उपभोग कर सस्तो पर्दछ । इन्भोइस नम्बर दर्ता गरेको छैन भने कम्पनीको ग्राहकले कम्पनीलाई तिरेको पैसा ग्राहकको उपभोग करको हिसाब खर्चमा समावेश गर्न नसकिने हुनाले ग्राहकको उपभोग कर महङ्गो पर्न जान्छ ।
यस इन्भोइस प्रणालीको सम्बन्धमा उपभोग करको इन्भोइस नम्बर दर्ताका लागि कर कार्यालयमा आवेदन दिने वा नदिने कम्पनीको स्वतन्त्रता भएकोले यसमा कुनै अनिवार्यता भने छैन । कम्पनी वा व्यक्तिगत व्यवसायीले इन्भोइस नम्बरका लागि कर कार्यालयमा आवेदन दिएर इन्भोइस नम्बर दर्ता गरेको छ भने खेस्सानको समयमा अनिबार्य रुपमा उपभोग करको सिन्कोकु (अद्यावधिक) गर्नुपर्ने हुन्छ ।
कम्पनी वा ब्यवसायीले कहिल्यै उपभोग कर तिरेको छैन र उपभोग करको सिन्कोकु पनि गरेको छैन र वार्षिक १ हजार मान येन भन्दा कमको बिजनेश गरेको छ भने पनि कर कार्यालयमा इन्भोइस नम्बर दर्ता गर्नुका साथै उपभोग कर अनिबार्य रुपमा सिन्कोकु गर्नुपर्छ ।
कर कार्यालयमा इन्भोइस नम्बर दर्ता गरेको छैन भने ग्राहकले तिरेको पैसा ग्राहकको उपभोग कर हिसाबको खर्चमा समावेश गर्न नमिल्ने हुनाले ग्राहकको उपभोग कर महङ्गो पर्न जान्छ जसले गर्दा कम्पनीप्रति ग्राहकको असन्तुष्टि र दुरी बढ्न सक्छ ।
इन्भोइस प्रणालीको बारेमा थप जानकारी आवश्यक परेमा आधिकारिक लेखापरिक्षक (जेरिसी) संग परामर्श लिन सकिने छ । इन्भोइस नम्बरको आवेदन गर्ने अन्तिम म्याद यस वर्षको मार्च ३१ तारिखसम्म हो, तर त्यसपछि पनि आवेदन दिन सकिने बुझिएको छ । इन्भोइस नम्बर दर्ता गरेपछि बिल र रसिदहरूमा आफ्नो कम्पनीको इन्भोइस नंबर लेख्नुपर्छ । यो संगै उपभोग कर ८ प्रतिशत र १० प्रतिशत सेइक्युस्यो र रसिदमा छुट्टै लेख्नुपर्छ ।
इन्भोइस नम्बरका लागि आवेदन दिने वा नदिने अनिवार्य नभएकोले राम्रोसंग विचार गरी आवश्यक परेमा परामर्श लिई निर्णय गरौं र अक्टोबर अगावै तयारी अवस्थामा बसौं ।***

Resource Person: Ogawa Bunkei
Translated by: Bishnu Tiwari
Licensed tax accountant, Gyoseisyoshi Lawyer
Email: [email protected] or [email protected]
Tel: 03-6903-8817 Mob.070-4339-497

प्रकाशित मिति: सोमबार, चैत्र ०६, २०७९

प्रकाशित समय: १७:१३:०६