हेल्लो सेन्सेइ-(४४) नेपाल गएको बेला भिसा सकिए के गर्ने ?

टोकियो – जापानमा रहेका नेपालीहरुका लागि भिसा, यहाँको करप्रणाली, व्यवसायिक कारोवारको लेखा व्यवस्थापन र सो संग सम्बन्धित लाग्ने कर लगायतका विविध बिषयमा जानकारी होस भन्ने उद्देश्यले सुरु गरिएको स्तम्भ ‘हेलो सेन्सेइ !’ मा यसपटकको लेखमा नेपाल फर्कने क्रममा जाइर्‍यु कार्ड तथा इलिजिविलिटीको म्याद सकिएको अवस्थामा गरिने प्रक्रियाको बारेमा जानकारी गराउने प्रयास गरिएको छ ।
विविध कारणले नेपाल फर्केको अवस्थामा जाइर्‍यु कार्डको म्याद सकिएमा गरिने प्रक्रियाहरुः
जापानको भिसा भएको व्यक्ति नेपाल फर्किदा कोरोनाको कारण समयमै फर्कन नपाई भिसा सकिएको अवस्थामा फेरि शुरुमा जसरी इलिजिबिलिटी आवेदनको प्रक्रिया गर्नुपर्ने हुन्छ । आवेदनको प्रक्रिया जापानको इमिग्रेशनमा बुझाउनुपर्ने हुन्छ ।
आवेदनसँगै बुझाउनु पर्ने कागजातहरु
(क) आवेदन फारम
(ख) काम गर्ने कम्पनीले बनाएको कारण (वर्किङ्ग भिसाको हकमा) र जापानमा आश्रित गराउने व्यक्तिले बनाएको कारण (डिपेन्डेन्ट भिसाको हकमा)
(ग) जाइर्‍यु कार्डको प्रतिलिपी
एइज्यु र तेइज्यु भिसा बाहकको अवस्थामा इलिजिबिलिटी आवेदनको प्रक्रिया नभई नेपालमा भएको जापानी राजदूतावासमा प्रक्रिया गर्नुपर्ने हुन्छ ।
एइज्यु भिसा वाहकको पुनः प्रवेश अनुमति अवधि समाप्त भएको अवस्थामा जापानी राजदूतावासमा पुनः प्रवेश अनुमतिको मान्यता अवधि थप्न सकिने अवस्था भएकोले राजदूतावासमा सोधपुछ गर्नुहोला । एइज्यु भिसा बाहकको पुनः प्रवेश अनुमति अवधि समाप्त भएको अथवा माथि १ को प्रक्रिया गर्न नमिल्दाको एइज्यु भिसाको अवस्थामा राजदूतावासमा तेइज्यु भिसाको प्रक्रिया गर्नुपर्ने हुन्छ । त्यसपछि जापानको विमानस्थलमा एइज्युको विशेष अनुमतिको प्रक्रिया गर्नुपर्ने हुन्छ ।
जापानमा आमन्त्रित गर्ने इलिजिविलिटीको म्याद सामान्य अनुमति दिएको दिनबाट ३ महिनाको हुन्छ । तर यस पटक कोरोनाको अवस्थामा इलिजिविलिटीको म्यादको विशेष नियम रहेको छ । इलिजिविलिटीको प्रमाण पत्र प्राप्त गरेको तर कोरोनाको कारण जापान प्रवेश नपाएको अवस्थामा म्याद सकिए पनि म्याद थप्न मिल्छ ।
(१) २०२० को १ महिना १ तारिख बाट २०२१ को ७ महिना ३१ तारिख सम्मको अनुमति दिएको इलिजिविलिटीको म्याद सकिए पनि २०२२ को १ महिना ३१ तारिकसम्म अवधि थपिएको छ र त्यही इलिजिविलिटी प्रयोग गर्न सकिन्छ ।
(२) २०२१ को ८ महिना १ बाट २०२२ को १ महिना ३१ तारिखसम्म अनुमति दिएको इलिजिविलिटीको अनुमति दिएको दिनबाट ६ महिनासम्म अवधि थपिएको छ र त्यही इलिजिविलिटी प्रयोग गर्न सकिन्छ । १ र २ दुवै अवस्थामा जापानमा बनाइएको स्वीकार्यता पुष्टिकरण इलिजिविलिटी पेश गर्न आवश्यक हुन्छ । यदि थपिएको समय अवधिको सीमा समाप्त भए फेरि १ पटक इलिजिविलिटीको नयाँ प्रक्रिया गर्न पर्ने हुन्छ ।
यदि कोरोनाको कारण अन्तर्राष्ट्रिय मेलमा ढिलाई भई इलिजिविलिटीको सक्कल बुझाउन नसकेको खण्डमा दूतावासमा एकप्रति फोटो कपी पेश गर्न सकिन्छ र यसलाई मान्यता पनि दिएको छ । इलिजिविलिटी प्राप्त गरेपछि जापानको निमन्त्रणा रद्द गर्न चाहनुहुन्छ भने इमिग्रेशनमा तोरिसागेस्योउ पेश गर्न आवश्यक हुन्छ ।

यसपटक हामीले हालको इमिग्रेशन नियम अनुसार जानकारी गराईएको छ । सो सम्बन्धि नियम समय-समयमा परिवर्तन हुने भएकोले इमिग्रेशन भिसा सम्बन्धि कुनै प्रश्न भए सम्बन्धित निकायमा परामर्श गर्न सक्नुहुनेछ ।

Resource Person: Ogawa Bunkei
Licensed tax accountant, Gyoseisyoshi Lawyer
Email: [email protected] or [email protected]
Tel: 03-6903-8817 Mobile 070-4339-4972

प्रकाशित मिति: बिहिबार, आश्विन २१, २०७८

प्रकाशित समय: १३:२८:२९