राप्रपाले पुस २७ गते भव्यताका साथ पृथ्वी जयन्ती मनाउने

समाचार सुन्नुहोस : 

काठमाडौँ – राष्ट्रिय प्रजातन्त्र पार्टी (राप्रपा)ले पुस २७ गते पृथ्वी जयन्ती धुमधामका साथ मनाउने भएको छ । शुक्रबार पार्टी कार्यालयमा बसेको केन्द्रीय कार्यसम्पादन समितिको बैठकले पृथ्वी जयन्ती भव्यताका साथ मनाउने निर्णय गरेको  प्रवक्ता मोहन श्रेष्ठले जानकारी दिए ।

केन्द्रीयरूपमा भृकुटीमण्डपमा जलपान समारोहसहित चियापान कार्यक्रम आयोजना हुनेछ । साथै, ७७ वटै जिल्लामा पृथ्वी जयन्ती मनाउने गरी विभिन्न कार्यक्रम तय गरिएको छ । यस अवसरलाई भव्य बनाउन अध्यक्ष राजेन्द्र लिङ्देनको संयोजकत्वमा मूल समारोह समिति गठन गरिएको छ ।

यही बैठकमा उपनिर्वाचनको समीक्षा लगायतका विषयमा पनि छलफल भएको थियो । उपनिर्वाचनको समीक्षालगायतका विषयमा छलफलका लागी पुन शनिबार बैठक बस्ने योजना रहेको श्रेष्ठले बताए ।