परदेशमा छाेरी

गजल

कोही मान्छे नि आफ्नो यहाँ हैन रहेछ,
दुष्टहरु नभएको परदेश नि छैन रहेछ ।।

के के नै होला बिदेश भन्ने सोच्थे मैले तर,
प्रकृति नै उस्तै , मान्छे फरक रैन रहेछ ।।

यहाँ त मान्छेहरुको रुप चिन्नै गाह्रो भयो,
पैसासंगै इज्जत लुट्ने हरुकै बैन रहेछ ।।

कस्तो दुर्भाग्य ! छोरीचेली लुटुवाहरुकै,
ठूलो पद, ठूलै सम्मान अनि चैन रहेछ ।।

भन्थिन आमा जन्मनु नै दुर्भाग्य हो हाम्रो
छोरीको भाग्य नै पग्ली जाने मैन रहेछ ।।

-गल्कोट हरिचौर
हाल: जापान , टोकियो

तपाईको प्रतिक्रिया
© २०१६ सर्वाधिकार समुद्रपारिमा सुरक्षित