टोकियो- जापानको ब्यवसायीहरुको संस्था जापान बिजिनेस फेडेरेसन (केइदानरेन) अन्तरगतको एक अनुसन्धान केन्द्रले गरेको अनुमान अनुसार सन् २०५० सम्ममा कोरियाले जापानलाई प्रतिब्यक्ती ग्राहस्थ उत्पादनको हिसाबले पछि पार्ने भएको छ । उक्त कुरा सो अनुसन्धान केन्द्रका प्रमुख तोमिजिरो मोरिताले घोषणा गरेका हुन ।
जापान लगायत बिश्वका ५० राष्ट्रको दिर्घकालिन आर्थिक बृद्धिदरको बारेमा अनुसन्धान गरेको आधारमा सो अनुमान निकालिएको उनले बताए । अहिलेकै स्थितिमा जाने हो भने जापानको आर्थिक बृद्धिदर सन २०३० बाट नकारात्मक रहने र सन् २०५० मा पुग्दा प्रतिब्यक्ति ग्राहस्थ उत्पादनको हिसाबले कोरिया लगायतका देशहरु भन्दा पछि भई १८ औं स्थानमा पुग्ने अनुमान गरिएको छ । मोरिताले एशिया प्रशान्त क्षेत्रसंगको ब्यापारिक सम्बन्ध मार्फ जापान लगायत यस क्षेत्रको आर्थिक बृद्धिमा ध्यान दिनुपर्ने सुझाब पनि दिए । सो अनुसन्धानबाट सन २०५० मा अर्थतन्त्रको हिसाबले भारत तेस्रो र जापान चौथो स्थानमा पर्ने अनुमान पनि गरेको छ । यसरी जापान आगामी केही दशकमा आर्थिक शक्तिशाली राष्ट्रबाट क्रमशः पछि पर्दै जाने अनुमान गरिएको छ ।
यसैक्रममा सो अनुसन्धान केन्द्रका प्रमुख मोरिताले जापानको न्युन बाल बृद्धिदरलाई घटाउन र आर्थिक बृद्धिदरलाई बढाउनको लागि बिदेशी शरणार्थीहरुको प्रबेशमा खुकुलो नीति लिई उनीहरुलाई देशको हितमा उपयोग गर्नुपर्ने बिचार ब्यक्त गरे । यसरी जापानको केही दशक पछिको आर्थिक स्थितिलाई ध्यानमा राख्दै बिभिन्न क्षेत्रमा चिन्ता छाएको यो एउटा उदाहरणको रुपमा लिन सकिने जानकारहरु बताउँछन् । ***
