नौ तस्बिरमा यो साता [फाेटाेफिचर] - Samudrapari

Samudrapari

काठमाडाैं – यो साता संसारभर खिचिएका समाचार तस्बिरहरूमध्ये हामीले छानेका उत्कृष्ट तस्बिरहरू यस्ता छन् :-

टेक्ससको एल पासोमा भएको गोलीकाण्डपछि स्थानीय बासिन्दाहरू मोबाइल फोन बालेर प्रार्थनामा सहभागी भएका छन्। गोलीकाण्डमा २२ जना मारिएका थिए ।

ब्रिटेनको डर्बीसायरमा भएको बाँध मर्मतका लागि पुगेको सेनाको हेलिकोप्टरबाट बालुवाका बोरा खसालिएका थिए। बाँध फुट्ने डरले नजिकैका बासिन्दाहरूले छ दिन घर छोडेका थिए ।

मलेशियाको अग्नि तथा उद्धार विभागले जङ्गलमा हराएकी एक १५ वर्षीया बालिकालाई रेकर्ड गरिएको उनकी आमाको आवाज बजाउँदै खोजेको थियो, मानसिक समस्या भएकी ती बालिका अझै फेला परेकी छैनन् ।

हङकङमा जारी सरकारविरोधी प्रदर्शनका क्रममा प्रहरी कार्यालयमा ढुङ्गा हान्दै एक प्रदर्शनकारी, त्यहाँ प्रदर्शन रोकिएको छैन ।

भारतीय तेस्रोलिङ्गी महिला टिस्टा दासले कोलकातामा परम्परागत शैलीमा विवाह गरेकी छन् ।

चर्चित साङ्गीतिक समूह द बिटल्सको चर्चित फोटोको स्वर्णजयन्तीको अवसरमा हजारौँ प्रशंसकहरूले लण्डनमा त्यस्तै तस्बिर खिच्ने प्रयास गरेका छन् ।

सर्लाहीको मलङ्गवाबाट काठमाण्डू आउँदै गरेको बस शुक्रवार त्रिशूली नदीमा खसेपछि प्रहरीले यात्रुको उद्धार गरेका थिए ।

कैलालीको टीकापुर नगरपालिकामा सडकमै रहेको छाउगोठ जहाँ महिलाहरू महिनावारी भएका बेला पाँच दिन सुत्ने गर्छन् ।

भोजपुरको टक्सार विमानस्थलमा नेपाल एयरलाइन्सको नयाँ जहाज वाई१२ ले परीक्षण उडान गरेको छ ।

प्रकाशित मिति: आइतबार, साउन २६, २०७६

प्रकाशित समय: २०:५१:०८

तपाईको प्रतिक्रिया