काठमाडौँ – फ्रान्समा जारी युरो कप फुटबल अन्तर्गत आजबाट प्रि–क्वाटर फाइनलका खेलहरु सुरु हुदै छन् ।
६ वटा समूहमा रहेका २४ देशबाट प्रत्येक समूहको शीर्ष दुईमा रहेका १२ तथा उत्कृष्ट तेस्रो चार टिम अन्तिम १६ मा पुगेका हुन् । प्रतियोगिता अन्तर्गत आज ३ खेल हुँदै छन् । पहिलो खेलमा नेपाली समयअनुसार बेलुका पौने सात बजे समूह ‘ए’ को उपविजेता स्वीट्जरल्यान्डले समूह ‘सी’को उपविजेता पोल्यान्डसँग खेल्ने छ ।
यस्तै राति पौने १० बजे समूह ‘ए’ को विजेता वेल्सले उत्कृष्ट तेस्रोको रुपमा अन्तिम १६ मा प्रबेश पाएकोे नर्दन आयरल्यान्डसँग खेल्ने छ ।
आजै राति पौने १ बजे हुने खेलमा समूह ‘डी’को विजेता क्रोएसियाले उत्कृष्ट तेस्रोको रुपमा आएको पोर्चुगलसँग खेल्ने छ ।
