छिस्तीमा पिकअप भ्यान दुर्घटना हुँदा चालकसहित पाँच जनाको मृत्यु

काठमाडौं – बागलुङमा ‘पिकअपभ्यान’ दुर्घटना हुँदा चालकसहित पाँच जनाको मृत्यु भएको छ । जिल्लाको जैमिनी नगरपालिका-८ छिस्तीबाट जिल्ला सदरमुकाम बागलुङ बजार आउँदै गरेको पिकअपभ्यान जैमिनी-७ जैदीको व्यार्थला नजिकै बिहान दुर्घटनामा परेको हो ।

जिल्ला प्रहरी कार्यालयका प्रहरी निरीक्षक एवं सूचना अधिकारी केशव थापाकाअनुसार ग २ च ९२४७ पिकअपभ्यान सडकदेखि एकसय मिटरभन्दा तल खसेको छ । भ्यानमा चालकसहित ६ जना सवार थिए । तीमध्ये एकजनाको जीवितै उद्धार गरिएको छ ।

घटनामा मृतकको पहिचान खुलिसकेको छैन । घटनाको थप विवरण आउन बाँकी छ ।