काठमाडौं – नयाँ शक्ति पार्टी नेपालका संयोजक डाक्टर बाबुराम भट्टराईले बुढीगण्डकी आयोजना नेपाल आफैले बनाउन माग गर्नुभएको छ । अाज प्रधानमन्त्री शेरबहादुर देउवालाई ज्ञापनपत्र बुझाउँदै डाक्टर भट्टराईले चीनिया कम्पनी गेजुवासँग भएको सम्झौता रद्द गरी बुढीगण्डकी जलाशययुक्त जलविद्युत आयोजना आफैले बनाउन माग गर्नुभएको हो ।
सम्झिए २२ बर्ष अघिको ज्ञापनपत्र
बुढी गण्डकी जलबिद्युत आयोजनाका बारेमा ज्ञापनपत्र बुझाउन भट्टराई सिंहदरवारस्थित प्रधानमन्त्री कार्यालयमा पुग्दा २२ बर्ष अगाडिको ज्ञापनपत्रको स्मरण गराउनु भएको हो ।
०५२ माघ २२ गते ४० सुत्रीय माग लिएर तत्कालीन संयुक्त जनमोर्चा नेपालको अध्यक्षको हैसियतमा भट्टराई प्रधानमन्त्री देउवालाई ज्ञापनपत्र बुझाउन जानु भएको थियो ।
आफना ४० सुत्रीय माग पूरा नगरे फागुन ५ गतेदेखि सशक्त आन्दोलनमा उत्रिने चेतावनी पनि भट्टराईले त्यतिवेला दिनु भएको थियो । नेकपा माओवादी समर्थित संयुक्त जनमोर्चा पनि ०५२ फागुन १ गतेदेखि सशस्त्र विद्रोहमा होमिएको थियो।
ज्ञापनपत्र बुझाएपछि प्रतिक्रिया दिँदै भट्टराईले आफूले देउवालाई ०५२ सालमा बुझाइएको ज्ञापनपत्रको वेवास्ता गर्दा निम्तिएको अवस्थाको स्मरण गराउँदै अहिलेको ज्ञापनपत्रको वेवास्ता नगर्न चेतावनी दिएको बताउनुभयो ।
यस्तो छ बाबुरामले देउवालाई बुझाएको ज्ञापनपत्रः-
