पल्सर स्पोर्ट्स अवार्ड आज, कुन विधामा कसले पाउला ?

काठमाडौं – नेपाल खेलकुद पत्रकार मञ्चले बिहीबार विभिन्न विधाका खेलाडीलाई ‘पल्सर स्पोर्ट्स अवार्ड २०७२’ प्रदान गर्दै छ । भूकम्प र भारतको नाकाबन्दीका कारण २०७१ सालको संस्करण भने आयोजना हुन सकेको थिएन ।

खेलाडी र खेलकर्मीका लागि पल्सर स्पोर्ट्स अवार्ड नेपाली खेल क्षेत्रकै सबभन्दा प्रतिष्ठित सम्मानको रुपमा स्थापित छ । पहिलोपल्ट २०५३ सालमा आयोजना गरिएको यस अवार्ड २०६० सालदेखि निरन्तर हुँदै आएको छ । आठ वटा विधामा उत्कृष्ट खेलाडी र खेल क्षेत्रका व्यक्तिलाई अवार्ड प्रदान गरिन्छ ।

वर्षका उत्कृष्ट पुरुष, महिला र युवा खेलाडी तथा प्रशिक्षक र पिपुल्स च्वाइस विधामा ५ ५ जनाको मनोनयन यसअघि नै सार्वजनिक भइसकेको छ । पारा एथलिट अवार्ड, स्पेसल अवार्ड र लाइफटाइम एचिभमेन्ट अवार्ड भने बिहीबार नै प्रदान गरिने मञ्चले जनाएको छ ।

मनोनयनमा परेका यी खेलाडीबाट कसले पाउला अवार्ड ?

वर्षका उत्कृष्ट पुरुष खेलाडी

• नवयुग श्रेष्ठ (फुटबल)
• विकास थापा (भारोत्तोलन)
• राजेश चौधरी (उसु)
• वीरबहादुर महरा (तेक्वान्दो)
• विकेश कुथु (फुटबल)

वर्षका उत्कृष्ट महिला खेलाडी

• फुपू ल्हामु खत्री (जुडो)
• नीमा घर्तीमगर (उसु)
• गौरिका सिंह (पौडी)
• रोजा केसी (ट्रायथलन)
• रेजिना कार्की (तेक्वान्दो)

वर्षका उत्कृष्ट युवा खेलाडी

• नीमा घर्तीमगर (उसु)
• गौरिका सिंह (पौडी)
• सन्दीप लामिछाने (क्रिकेट)
• मनीता श्रेष्ठ प्रधान (जुडो)
• अन्जन विष्ट (फुटबल)

वर्षका उत्कृष्ट प्रशिक्षक

• बालगोपाल महर्जन (फुटबल)
• प्रकाश महर्जन (उसु)
• दलबहादुर गुरुङ (जुडो)
• राजुकाजी शाक्य (फुटबल)
• जगत टमाटा (क्रिकेट)

पिपुल्स च्वाइस

• नवयुग श्रेष्ठ (फुटबल)
• नविता श्रेष्ठ (टेबलटेनिस)
• प्रतीभा माली (भलिबल)
• सन्दीप लामिछाने (क्रिकेट)
• तारादेवी पुन (भारोत्तोलन)