काठमाडौं - सात बुँदे सहमति भएको ६ महिनापछि नेपाली कांग्रेस र नेकपा एमालेले संविधान संशोधनका विषयमा बहस अघि बढाएका छन् । मुलुकमा अस्थिरता घटाउन र सत्तासम्बन्धी राजनीतिक परिपाटीलाई मजबुत बनाउने उद्देश्यसहित दुई दलबीच सहकार्य भएको भनिएको थियो । संविधान संशोधनको ढिलाइप्रति विभिन्न पक्षबाट आलोचना भएपछि प्रक्रिया औपचारिक रूपमा अघि बढेको हो ।

काठमाडौं - जापानी अटोमोबाइल कम्पनी निसान र होन्डा मोटरबीच मर्जर हुने विषयले यतिबेला अटोक्षेत्र तातिएको छ । जापानको दोस्रो ठूलो अटोमोटिभ निर्माता होन्डा र तेस्रो नम्बरमा रहेको निसानले मर्जर सम्झौता सार्वजनिक गरेका हुन् । होन्डा र निसान मर्ज भएसँगै टोयोटा र फक्सवागनपछि विश्वकै तेस्रो ठूलो अटोमोबाइल निर्माता कम्पनी बन्ने छ ।