न मलाई बद्धनामी नेता बन्नु छ
नत मलाई भ्रष्टचारीको पगरी गुथ्नु छ
केवल मलाई जीवन कटाउनु छ
साथी, आजकल म रक्सी पिउँछु ।
झुटको खेती गरेर जीवन धान्नु छैन मलाई
नत चापलुसी र चाकडी गरेर जीउनु छ मलाई
न म विश्वास पात्र बन्नै चाहान्छु
नत म षड्यन्त्रमा सामेल हुनै चाहान्छु
साथी, आजकल म केवल रक्सी पिउछु ।
छेकेर छेकिन्न बैमानीको धन्दा
खुल्ने छ एकदिन बद्धमासीको पर्दा
देखियो तिम्रा नाटक र नौटङकी
देखायौ यहाँ कपटीको चौचकी
साथी, आजकलम म रक्सी पिउछु
तिमिले बाटो विर्षे पनि
उकालीमा खुट्टा लरखराएपनि
खुर्सानी बीना भतेर अड्किन्न
यस्तालाई नेता मान्न पनि सकिन्न
साथी, आजकल म रक्सी पिउछु
थाहा छ मलाई तिमिले धोका दियौ
तिमि त आफ्नै थैलो भर्न तिर पो लाग्यौ
तिम्रो, आशा र भरोसा छैन अब मलाई
डट्नु छ आफै यहाँ जनसत्ता ल्याउनलाई
साथी, आजकल म रक्सी पिउछु ।
साथी, अब मैले रक्सी छोड्नु पर्छ
आँखा खेलेर सर्वत्र हेर्नु पर्छ
बैमानीको पर्दा च्यातेर
चापलुसी र चाकडीलाई चिनेर
नयाँ जनवादी क्रान्तिको बाटो खोल्नु पर्छ ।।
