काठमाडौं – उपप्रधानमन्त्री तथा गृहमन्त्री विजयकुमार गच्छदारले जनचाहना अनुसारको समावेशी संविधान बनाउन वर्तमान सरकार कटिवद्ध भएर लागेको बताएका छन् ।थारु समुदायको राष्ट्रिय पर्व थारु माघी महोत्सव २०६८ को राजधानीमा आइतबार उद्घाटन गर्दै उपप्रधानमन्त्री गच्छदारले सम्पूर्ण जातजातिलाई समान हक र अधिकार दिने गरी देशमा समावेशी संविधान बनाउन एमाओवादी र संयुक्त मधेशी मोर्चाबीच गठबन्धन भई सरकार निर्माण भएको स्पष्ट पारे ।
सदियौंदेखि थिचिएर बसेको थारु समुदायले समावेशी संविधान निर्माणपछि मात्र उनीहरुले खोजेको जस्तो हक र अधिकार पाउने बताउँदै उपप्रधानमन्त्री गच्छदारले भने, ‘म अहिले पनि सन्तुष्ट छैन । त्यो बेला सन्तुष्ट हुनेछ, जुनबेला कुनै एक थारु देशको प्रधानमन्त्री हुन्छ ।’
