सुनचाँदीको मूल्य घट्यो

समाचार सुन्नुहोस : 

काठमाडौँ – अन्तर्राष्ट्रिय बजारमा भएको मूल्य गिरावटसँगै स्थानीय बजारमा पनि सुनचाँदीको मूल्यमा कमी आएको छ। आज सुनको मूल्य प्रतितोला आठ सय रुपैयाँले घटेर एक लाख ५७ हजार एक सय रुपैयाँमा कायम भएको नेपाल सुनचाँदी व्यवसायी महासङ्घले जनाएको छ। गत शुक्रबार सुन प्रतितोला एक लाख ५७ हजार नौ सय रुपैयाँमा कारोबार भएको थियो।

चाँदीको मूल्यमा पनि गिरावट देखिएको छ। आज चाँदी प्रतितोला एक हजार आठ सय ६० रुपैयाँमा कारोबार भइरहेको छ, जुन शुक्रबारको एक हजार आठ सय ९० रुपैयाँको मूल्यभन्दा ३० रुपैयाँले कम हो। अन्तर्राष्ट्रिय बजारमा सुनको मूल्य प्रतिऔँस अमेरिकी डलर १६.२५ ले घटेर हाल दुई हजार सात सय तीन दशमलव दुई डलरमा पुगेको छ।