इलाम – इलाममा मतगणना ढिलो सुरु हुने भएको छ । बिहीबार बिहान ७ बजेपछि सर्वदलीय बैठक बस्ने र बिहान १० बजेदेखि मतगणना गरिने जिल्ला निर्वाचन कार्यलय इलामका अधिकारी प्रेमकुमार काफ्लेले जानकारी दिनुभयो ।
उहाँका अनुसार राजनीतिक दलका प्रतिनिधिसँगको सल्लाह बमोजिम नै खाना खाएर मात्र मतगणना गर्ने निर्णय भएको हो । इलामका चुलाचुली गाउँपालिका र माङ्गसेबुङ्ग गाउँपालिमा रातको १२ बजेसम्म पनि मतपेटिका संकलन भइसकेको थिएन ।
४ नगरपालिका र ६ गाउँपालिका रहेको इलाममा मतपेटिका राखिएको ठाउँमा सिसी टिभी जडान गरिएको छ । मतगणना पनि सिसी टिभीकै निगरानीमा गरिने मूख्य निर्वाचन कार्यलय इलामले जानकारी दिएको छ ।
