टोकियो – दुई दिवसीय तीज महोत्सवका लागि जापान आएका कलाकारहरु पशुपति शर्मा, राधिका हमाल र मञ्जु पौडेलको आज एक रात्रीभोजसहित बिदाई कार्यक्रम सिन्जुकु युनिभर्सलमा हुँदै छ ।
साँझ ८ बजेदेखि सिन्जुकु खाबुखिचोस्थित युनिभर्सल हलमा हुन गईरहेको कलाकार बिदाई कार्यक्रममा उपस्थित भई शोभा बढाईदिन टोकियोबासी नेपालीहरुमा आयोजकहरुले हार्दिक अनुरोध गरेका छन् ।
रात्रीभोजसहितको बिदाई कार्यक्रममा कलाकारहरुको साँगीतिक प्रस्तुती पनि रहने बताईएको छ ।
नारी कुञ्ज जापान र आईएनसीजेलगायत बिभिन्न संघसंस्थाद्वारा संयुक्तरुपमा आयोजित तीज महोत्सवमा भाग लिन कलाकारहरु जापान आएका हुन् ।
फुकुओका, नागोया, नागानो र टोकियोमा २ वटा कार्यक्रमहरुमा कलाकारहरुले तीजबिशेष कार्यक्रममा भाग लिएका थिए । उनीहरु आज बिदाई भएर भोलि स्वदेश प्रस्थान गर्ने कार्यक्रम छ । ***
