काठमाडौं – काठमाडौंको पिंगलास्थानस्थित वाग्मती होटेलमा २२ वर्षीया युवती मृत अवस्थामा फेला परेकी छिन् । कागेश्वरी मनोहरा नगरपालिकास्थित आलापोट घर भएकी खड्काको शव बुधबार साँझ होटेलको ३०८ नम्बर कोठामा भेटिएको हो ।
कोठा बाहिरबाट बन्द रहेको अवस्थामा शव फेला परेपछि घटनाले थप शंकास्पद मोड लिएको छ । प्रारम्भिक अनुसन्धानबाट थाहा भएअनुसार सुस्मिता उक्त कोठामा आफ्नो केटा साथीको साथमा बसेकी थिइन् । तर, मृत्युको घटनापछि ती युवकले चाबी लगाएर कोठाबाट भागेको आशंका गरिएको छ ।
सुस्मिता जापान जाने तयारीमा रहेको खुलेको छ । उनी केही दिनअघि मात्र जापानबाट नेपाल फर्किएका युवकसँग भेटघाट गर्न उक्त होटेलमा पुगेकी थिइन् । फरार युवकको बिहीबार जापान फर्कने योजना रहेको पत्ता लागेपछि प्रहरीले उनको खोजी कार्य तीव्र पारेको छ ।
मृतकका परिवारले प्रहरी वृत्त गौशालामा घटना अनुसन्धानका लागि जाहेरी दिएका छन् । प्रहरीका अनुसार सुस्मिता ती युवकसँग प्रेम सम्बन्धमा थिइन् । घटनाको अनुसन्धान जारी छ ।Samudrapari.com is No. 1 Nepalese online News Portal based in Japan established in the year 2006.
