ट्रम्पको होटल अगाडी मस्कको साइबर ट्रक विस्फोट

समाचार सुन्नुहोस : 

काठमाडौँ – लस भेगासस्थित ट्रम्प होटलको बाहिर टेस्ला साइबर ट्रकमा विस्फोट भएको छ। यो घटना स्थानीय समयअनुसार बुधबार बिहान भएको हो। अधिकारीहरूका अनुसार टेस्ला साइबर ट्रकमा चालकद्वारा नियन्त्रित विष्फोट प्रणालीसँग जोडिएको आशंका गरेका छन् ।

एफबीआईले घटनाको पृष्ठभूमि अनुसन्धान गर्दै यो आतंकवादी गतिविधि हो वा होइन भनेर पुष्टि गर्ने प्रयास गरिरहेको छ। लस भेगास कार्यालयका कार्यवाहक विशेष एजेन्ट जेरेमी श्वार्ट्जले सार्वजनिक रूपले भने, “यो एक पृथक घटना हो र सर्वसाधारणका लागि कुनै खतराको सम्भावना छैन।”

बिहान ८:४० बजे गाडीमा आगलागी भएको खबर प्राप्त भएपछि प्रहरी र अग्नि नियन्त्रक टोली घटनास्थल पुगेका थिए। घटनास्थलमा टोलीले २०२४ मोडेलको साइबर ट्रकलाई आगो निभाइएको अवस्थामा फेला पारेको लस भेगासका शेरिफ केभिन म्याकमहिलले बताएका छन्।