छोराले अनैतिक कार्य गरेर पक्राउ परेपछि बाबुले दिए विधानसभाबाट राजिनामा

टोकियो–महिलालाई नैतिक कार्य गरेर दुख दिएको आरोपमा छोरालाई प्रहरीले पक्राउ गरेपछि टोकियो विधान सभाका सदस्य मासातोसी इबीले आफ्नो पदबाट राजिनामा दिएका छन् ।
५४ वर्षीय इबीका २० वर्षीय छोरा हाजुकी इबीले चोफु सहरमा अक्टोबर ६ का दिन बेलुका सात बजेतिर सडकमा हिडिरहेकी एक महिलालाई अनैतिक कार्य गरेको आरोपमा पक्राउ गरेपछि नैतिकताका आधारमा राजिनामा दिएको बताइएको छ । मासातोसी जापान कम्युनिष्ट पार्टीका सदस्य समेत हुन । फुकुओकाका आदिवासी रहेका उनले गत जुलाईमा  विधान सभामा विजयी भएका थिए । ‘यदि यो आरोप पुष्टि भयो भने क्षमा दिन नसकिने कार्य हो ।’ मासातोसीले भने अविभावकका नाताले यो कार्य मेरा लागि स्वाभाविक हो र म उसप्रति विश्वास राख्छु ।
छोरा इबी विश्वविद्यालयको विद्यार्थी हुन् । गनले एक कम्पनीमा काम गर्ने २० वर्षीया युवतीसँग सडकमा हिडिरहेका बेला गफ गर्ने क्रममा उनको स्कटभित्र हातले संवेदनशील अंगमा छोएको आरोपमा पक्राउ गरिएको निप्पन न्युज नेटवर्कले जनाएको छ ।
हाजुकीले प्रहरीद्धारा लगाइएको आरोप स्वीकार्दै आफुभित्र जम्मा भएको तनावको प्रष्फुटन हुदाँ दानवीय रुप देखिन पुगेको बताएको उनको भनाइलाई उदृत गर्दै प्रहरीले जनायो । गत वर्षपनि यस क्षेत्रमा यसप्रकारका धेरै घटनाहरु भएकोले प्रहरीले सुक्ष्म ढंगले अनुसन्धान गरिरहेको बताएको छ ।

तपाईको प्रतिक्रिया
© २०१६ सर्वाधिकार समुद्रपारिमा सुरक्षित