काठमाडौं– नेकपा एमालेले आगामी संविधानसभा निर्वाचनमा राष्ट्रिय जनमोर्चासँग तालमेल गर्ने तयारी गरेको छ ।
२०५६ सालको निर्वाचनमा जनमोर्चासँग नै तालमेल गरेको एमालेले २०६४ सालको चुनावमा भने नेकपा एकीकृतसँग तालमेल गरेको थियो । एमालेसँग तालमेल गरेका साता दलमध्ये जनमोर्चाले प्रत्यक्षमा केही सांसद निर्वाचित गरेको थियो ।
नेकपा एमालेका नेता भीम रावलले राष्ट्रिय जनमोर्चा नेपालसँग चुनावी तालमेल हुने जानकारी दिँदै अन्यसँग पनि तालमेलको प्रयास भइरहेको बताएका छन् । ***
