भाटभटेनी करछली मुद्दाको पूर्णपाठ : मीनबहादुरले गडबडी गरेको सर्वोच्चको ठहर

समाचार सुन्नुहोस : 

काठमाडौँ – भाटभटेनी सुपरमार्केट एण्ड डिपार्टमेन्टल स्टोर प्रालिको करछली मुद्दामा सर्वोच्च अदालतले दिएको ०८० माघ १६ गतेको फैसलाको पूर्णपाठ सार्वजनिक भएको छ। सर्वोच्च अदालतको पूर्ण इजलासले भाटभटेनीले करछली गरेको ठहर गरेको छ।

आन्तरिक राजस्व विभागको अनुसन्धान तथा विकास शाखाले भाटभटेनीले २०६४ साउनदेखि २०६७ माघसम्म १५२ भन्दा बढी कम्पनीको नाममा झूटा तथा नक्कली बिल प्रस्तुत गरी ७१ करोडभन्दा बढीको वस्तु खरिद देखाएर कर कट्टी गरेको आरोप लगाएको थियो। विभागले सो प्रकरणमा भाटभटेनीलाई थप दस्तुरसहित २२ करोड ६७ लाख ४४ हजार ५५७ रुपैयाँ कर तिर्नुपर्ने निर्णय गरेको थियो।

सर्वोच्च अदालतको पूर्ण इजलासले विभागको सो निर्णय सदर गर्दै करछलीमा भाटभटेनीको संलग्नता रहेको ठहर गरेको छ। यो फैसलाले करसम्बन्धी कानूनी प्रक्रिया र नियम उल्लंघन नगर्नुपर्ने सन्देश दिएको छ।