सुन-चाँदीको मूल्य घट्यो, आज कतिमा हुँदैछ कारोबार ?

समाचार सुन्नुहोस : 

काठमाडौँ – नेपाल सुनचाँदी व्यवसायी महासंघका अनुसार नेपाली बजारमा सुन र चाँदीको मूल्यमा गिरावट आएको छ। आज सुनको मूल्य तोलामा २०० रुपैयाँले घटेर प्रतितोला एक लाख ६० हजार ४०० रुपैयाँ पुगेको छ। शुक्रबार सुनको मूल्य प्रतितोला एक लाख ६० हजार ६०० रुपैयाँ थियो।

चाँदीको मूल्यमा पनि कमी आएको छ। चाँदी तोलामा १५ रुपैयाँले घटेर हाल प्रतितोला एक हजार ८६५ रुपैयाँमा कारोबार भइरहेको छ। यसअघि चाँदीको मूल्य प्रतितोला एक हजार ८८० रुपैयाँ थियो।