क्यानडामा सडक दुर्घटनामा परी नेपाली युवकको मृत्यु

काठमाडौं – सडक दुर्घटनामा परेर क्यानडामा एक नेपाली युवकको मृत्यु भएको छ । मंगलबार राति भएको खुर्घटनामा परी खोटाङ घर भई क्यानडाको ब्राम्टनमा बस्दै युनेश गिरीको मृत्यु भएको हो ।

घुम्न जाने क्रममा क्युबेक सिटीको सडकमा गाडी रोकेर बस्दै गर्दा अर्को गाडीले उनलाई ठक्कर दिएको बताइएको छ । ठक्करबाट गिरीको घटनास्थलमै मृत्यु भएको थियो ।

दाहसंस्कारको लागि गिरीको शव नेपाल ल्याउने तयारी भइरहेको छ । युनेश अध्ययनका लागि सन् २०२२ को जनवरी ११ मा क्यानडा पुगेका थिए ।