लगातार ६ दिनको वृद्धिपछि नेप्सेमा दोहोरो अंकको गिरावट

समाचार सुन्नुहोस : 

काठमाडौँ – साताको अन्तिम कारोबार दिन अर्थात् बिहीबार नेप्से परिसूचक दोहोरो अंकले घटेको छ। गत साताको बुधबारदेखि बढ्न थालेको नेप्सेले अघिल्लो कारोबार दिनको बुधबारसम्म निरन्तरता दिएको थियो।

आज नेपाल स्टक एक्सचेञ्ज (नेप्से) १८.१४ अंकले घटेर २६३५.०९ को विन्दुमा कायम भएको छ । यस दिन नेप्सेमा कारोबार भएको ३०८ कम्पनीको १ करोड ५७ लाख २३ हजार ३७९ कित्ता शेयर किनबेच हुँदा ७ अर्ब ३० करोड ५३ लाख ४२ हजार रुपैयाँको कारोबार भएको छ । आज बजारमा गिरावट आउँदा १२ उपसूचक राताम्मै भएको छ । यस दिन बजारमा गिरावट आउँदा बाराही हाइड्रोपावर र हिमालयन पावर पार्टनरको सेयरमा सकरात्मक सर्किट लाएको छ ।