समाचार सुन्नुहोस :
काठमाडौँ – नेपालमा आज सुन र चाँदीको मूल्यमा उल्लेख्य वृद्धि भएको छ। नेपाल सुनचाँदी व्यवसायी महासंघका अनुसार, सुनको मूल्य प्रतितोला २ हजार रुपैयाँले बढेर अहिले एक लाख ५३ हजार पाँच सय पुगेको छ। हिजो यो प्रतितोला एक लाख ५१ हजार पाँच सयमा कारोबार भएको थियो।
त्यस्तै, चाँदीको मूल्यमा पनि २० रुपैयाँको वृद्धि भएको छ। अहिले नेपाली बजारमा चाँदीको मूल्य प्रतितोला एक हजार आठ सय १० मा कायम छ।
महासंघले नेपाली बजारमा सुनचाँदीको माग बढेको र अन्तर्राष्ट्रिय बजारमा देखिएको मूल्यको उतारचढावले गर्दा आज मूल्यमा वृद्धि भएको जानकारी दिएको छ।
