सेयर बजारमा पहिरो, एकैदिन ५१ अंकले घट्यो

समाचार सुन्नुहोस : 

काठमाडौँ – पुसको पहिलो दिन सेयर बजारमा पहिरो गएको छ । आज नेप्से परिसूचक ५१ दशमलव ३७ अंकले घटेर २६३० दशमलव ९१ को विन्दुमा पुगेको छ । बजारमा सबै समूहको शेयरमा गिरावट आएको छ। विशेष गरी विकास बैंक, फाइनान्स, होटल, जलविद्युत्, बीमा, उत्पादन, माइक्रोफाइनान्स र व्यापार समूहका शेयर उच्च दरले घटेका छन् ।

जानकी फाइनान्स कम्पनीको शेयर सबैभन्दा धेरै साढे ९ प्रतिशतले घटेको छ भने कुथेली बुखारी हाइड्रोपावर कम्पनीको शेयरमा १० प्रतिशतको वृद्धि भएको छ । आजको कारोबारमा ३०४ कम्पनीका १ करोड २७ लाख कित्ता शेयर किनबेच भई जम्मा ५ अर्ब ९३ करोड रुपैयाँ बराबरको कारोबार भएको छ । यसमा सबैभन्दा धेरै कारोबार एनआरएन इन्फ्रास्ट्रक्चर एन्ड डेभलपमेन्ट कम्पनीको रहेको छ । जसले २६ करोड रुपैयाँको कारोबार गर्यो ।