समाचार सुन्नुहोस :
काठमाडौँ – काठमाडौंमा जारी त्रिदेशीय टी-२० शृंखलाको दोस्रो खेलमा आज नेपाल र नेदरल्यान्डस् प्रतिस्पर्धा गर्दै छन्। कीर्तिपुरस्थित त्रिवि क्रिकेट मैदानमा बिहान ११ः३० बजे नेपाल र नेदरल्यान्डस्को खेल हुनेछ। पहिलो खेलमा मंगलबार नामिबियासँग पराजित भएको नेपाल दोस्रो खेलमा बलियो टोली नेदरल्यान्डस्सँग प्रस्पिर्धा गर्नेछ। अहिलेसम्म नेपाल र नेदरल्यान्डस्बीच भएका खेलमा नेपालकै पल्ला भारी छ। दुई देशबीच भएको पछिल्लो पाँच खेलमा नेपालले तीन खेल जितेको छ भने नेदरल्यान्डस्ले एक खेल जितेको छ। एक खेल पानी परेपछि बीचमै रोकिएको थियो।
त्यस्तै, नेपाल र नेदरल्यान्डस्ले खेलका पछिल्ला पाँच पाँच खेलमा भने दुवैको जित उस्ताउस्तै छ। नेपालले खेलका पछिल्ला पाँच खेलमा दुई जितेको छ भने दुई हारेको छ। एक खेल बराबरीमा टुंगिएको छ। नेदरल्यान्डस्ले खेलेका पछिल्ला पाँच खेलमा दुई जितको छ भने तीन खेलमा हार बेहोरेको छ। यस प्रतिनियोगमा नेपाल, नेदरल्यान्डस् र नामिबियाले एकअर्कासँग दुई दुई खेल खेल्नेछन्। पहिलो खेलमा भने नेपालले नामिबियासँग हार बेहोरेको थियो।
