काठमाडौं – हलिउड अभिनेता अल पचिनो ८३ वर्षको उमेरमा पिता बनेका छन् । उनकी २९ वर्षीया प्रेमिका नूर अलफल्लाहले छोरालाई जन्म दिएकी छन् । छोराको नाम रोमन पचिनो राखिएको छ । अल पचिनोले केही दिन अघि बाबु बन्ने खबरमा प्रतिक्रिया दिएका थिए । अल पचिनोले यो विशेष क्षण भएको बताए । पचिनोका अनुसार उनी धेरै सन्तानका पिता हुन् तर यो बच्चा उनको लागि विशेष समयमा आउँदैछ । पहिलो पटक यस्तो खबर आएको थियो कि नूर अल्फाल्लाहले आफ्नो गर्भावस्था अल पचिनोबाट लुकाएकी थिइन् । जसका कारण अभिनेताले डीएनए परीक्षण गराउने कुरा समेत गरेका थिए ।
अल पचिनोले एक पुरानो अन्तर्वार्तामा आफू आफ्नो बुबा जस्तै गैरजिम्मेवार बुबा बन्न नचाहेको बताएका थिए । पचिनोको बुबाले उनलाई र उनको आमालाई बच्चा हुँदा नै त्यागे । पचिनोले आफ्ना तीन सन्तान रहेको र तीनैको जिम्मेवारी आफूमाथि रहेको बताए । ‘यदि मैले तिनीहरूको लागि जिम्मेवारी लिन सक्दिन भने, यो तिनीहरूका लागि र मेरो लागि पनि धेरै दुःखको कुरा हुनेछ’ उनले भने । गत मे ३१ मा नूरको गर्भावस्थाको कुरा मिडियामा आएको थियो । नूरले यो कुरा अल पचिनोलाई ११ हप्तासम्म नभएको बताइएको छ । रिपोर्टमा यो पनि भनिएको छ कि नूरले अल पचिनोलाई गर्भावस्थाको बारेमा बताएकी थिइनन् किनभने उनी थप बच्चा चाहँदैनन् । यो पनि भनिएको छ कि पचिनोका छोराछोरी आफ्नो बुबा उमेरको यो चरणमा बुबा बन्न लागेका छन् ।
अल पचिनोका पहिले नै तीन सन्तान छन् । जेठी छोरीको नाम जुली मेरी हो । उनको उमेर ३३ वर्ष हो । यसबाहेक उनका दुई जुम्ल्याहा सन्तान एन्टोन र ओलिभिया पनि छन् । दुवैको उमेर २२ वर्ष रहेको छ । डेली मेलको रिपोर्टका अनुसार, अल पचिनोले पहिलो पटक आफ्नो मौनता तोड्दै यो क्षणलाई विशेष भनेका छन् । यो बयानसँगै पचिनोले बच्चाको आगमनबाट आफू खुसी नभएको भनिएको सबै समाचारलाई अस्वीकार गरेका छन् ।
केही विवरणमा पचिनो र नूरको ब्रेकअप भएको उल्लेख छ । तर, अर्को विवरणले भने यी दुई एकसाथ रहेको जनाएको छ । यद्यपि यी दुईको सम्बन्ध खासै पुरानो छैन । दुवैको भेट कोरोना महामारीका बेला भएको थियो । यसै क्रममा दुवै एक अर्काको नजिक आए । पचिनो र नूर अप्रिल २०२२ मा भेनिस शहरमा देखिएका छन् ।
