विपिनले जिन्दगी खर्चेको मान्छे अर्कैसँग गएपछि… (भिडिओसहित)

टोकियो – सर्जक तथा गायक विपिन केसीको नयाँ गीत ‘तिम्रै लागि जिन्दगी…’ सार्वजनिक भएको छ । विपिन केसी युट्युब च्यानलमार्फत सार्वजनिक भएको गीतमा शब्द पनि केसीकै रहेको छ ।

गीतमा प्रेमिकाले अर्कैसँग बिहे गरेको प्रसङ्गलाई सुन्दर ढङ्गले प्रस्तुत गरिएको छ । प्रेमिकाको लागि जीवनको धेरै समय समर्पित गरिएपनि अर्कैसँग बिहे गर्दाको पीडाभावलाई शब्दमार्फत बोलिएको गीत निकै मार्मिक बनेको छ ।

बितेको दिनहरूको यादले ताजा रहेको भाव बोलेको गीत युवादेखि पाकासम्मलाई लक्षित गरी निर्माण गरिएकाले श्रोता दर्शकले रुचाउने अपेक्षा गरिएको छ । केसी राष्ट्रिय लोक तथा दोहोरीगीत प्रतिष्ठान नेपाल जापान शाखाका सदस्यसमेत हुन् ।

मदन खड्काले निर्देशन गरेको गीतको म्युजिक भिडिओमा जय देवकोटा र हिमा थापाको अभिनय देख्न सकिन्छ । भिडिओ अनिल रानाले सम्पादन गरेका हुन् भने चक्रबहादुर बरालको छायाङ्कन गरेको गीतको मिक्सिङ जय देवकोटाले गरेका हुन् ।