टोकियो – जापानमा नेपालीद्वारा सञ्चालित कम्पनी ‘दिपवे जापान’ २० औँ वर्षमा प्रवेश गरेको छ । सन् २००३ सालमा स्थापना भएको कम्पनी १९ औँ वर्ष पूरा गरी २० औँ वर्षमा प्रवेश गरेको हो ।
टोकियोको रोप्पंगीस्थित आफ्नै रेस्टुरेण्टमा एक कार्यक्रम गरी कम्पनीको वार्षिकोत्सव कार्यक्रम सम्पन्न भएको छ । स्थापनाको २० औँ वर्षको अवसर पारेर दिपवे जापानले आफ्ना रेष्टुरेन्टका ग्राहकलाई लक्षित गरी ३ महिनासम्मको निम्ति १९ प्रतिशत छुट अफर योजना सार्वजनिक गरेको छ । कार्यक्रममा कम्पनीमा काम सुरुवात गरेर पाँच वर्ष पार गरेका १५ जना भन्दा बढिलाई प्रमाण पत्र र खादा लगाएर सम्मान गरिएको थियो ।
कम्पनीका प्रमुख दीपक सुबेदीले वार्षिकोत्सवको अवसरमा सम्पूर्ण ग्राहक वर्ग, कर्मचारी र शुभेच्छुकलाई धन्यवाद प्रकट गरे । आफू सन् १९९९ मा कुक पेशाको रूपमा जापान प्रवेश गरेको भएपनि निरन्तरको लगन र मेहनतले व्यवसाय स्थापना गरी सफलता प्राप्त गर्न सफल भएको उनको भनाई छ ।
कम्पनीले विभिन्न सामाजिक उत्तरदायित्वका कार्यक्रमहरू पनि गर्दै आएको छ । दिपवे फाउण्डेशन मार्फत विभिन्न आपतकालीन घटनाहरू, नेपालमा आइपर्ने विभिन्न प्रकोप तथा जापानमा नेपालीहरू समस्यामा पर्दा आर्थिक सहयोग गर्दै आइरहेको छ ।
तपाईको प्रतिक्रिया
सम्बन्धित समाचार
