के अमेरिकामा कोरोना भ्याक्सिन यही नोभेम्बरमा बाँडिँदै छ ?

काठमाडौं – अमेरिकामा कोरोनाभाइरस भ्याक्सिन बनाउने काम युद्धस्तरमा चलिरहेको छ । तर, अहिलेसम्म कसैलाई पनि कोरोनाभाइरस भ्याक्सिन बनाउन सफलता मिलेको छैन ।

भ्याक्सिन नबने पनि अब अमेरिकामा यसको वितरणको तयारी सुरु भएको छ । अमेरिकी राज्यहरुमा १ नोभेम्बरबाट कोरोनाभाइरस भ्याक्सिन वितरणका लागि तयार रहन निर्देशन पनि दिइएको छ ।

अमेरिकी राष्ट्रपति डोनाल्ड ट्रम्प प्रशासनले अमेरिकी राज्यहरुलाई १ नोभेम्बरबाट कोरोनाभाइरस भ्याक्सिन वितरणका लागि तयार रहन आग्रह गरेको हो । त्यसो त यसलाई केहीले ट्रम्पको राजनीति पनि भनेका छन् । अमेरिकामा ३ नोभेम्बरमा राष्ट्रपति पदका लागि निर्वाचन हुँदैछ ।

अहिले अमेरिकामा कोरोनाभाइरस भ्याक्सिन बनाउन तीन कम्पनी लागिरहेका छन् । उनीहरुले आफ्नो भ्याक्सिनको तेस्रो चरणको परीक्षण सुरु गरेका छन् । –एजेन्सी