विश्वमा थपिए दुई लाख ५६ हजार बढी कोरोना संक्रमित, सबैभन्दा धेरै भारतमा

काठमाडौं – पछिल्लो २४ घण्टामा विश्वमा दुई लाख ५६ हजार ९९० जना नयाँ कोरोना भाइरस संक्रमित थपिएका छन् ।

यो समयमा सबैभन्दा धेरै भारतमा ७८ हजार १६९ जनालाई कोरोना भाइरसको संक्रमण भएको छ । यस्तै ब्राजिलमा ४१ हजार ८८९ जना नयाँ संक्रमित भेटिंदा अमेरिकामा ४० हजार ८३६ जनालाई संक्रमण भएको वर्ल्डओओमिटरले जनाएको छ ।

विश्वमा अहिलेसम्म दुई करोड ५८ लाख ८९ हजार भन्दा धेरै संक्रमित छन् भने एक करोड ८१ लाख ७१ हजार भन्दा धेरै उपचार पछि निको भएका छन् । कोरोना भाइरसको संक्रमणका कारण अहिलेसम्म ८ लाख ६० हजार भन्दा धेरेको ज्यान गएको छ ।