काठमाडौं – दर्जनौं लोकप्रिय गीत गाएर स्रोताको मन मनमा बसिसकेका ब्रो सीस ब्याण्डका दिपु गुरुङले फेरि नयाँ एलबमलाई बजारमा ल्याउनुहुने भएको छ । गायक दीपु गुरुङ २००८ सालबाट लण्डनमा बसोबास गर्दै आएता पनि आफ्नो गीत संगीत देखि भने कहिले अलग भई बस्न सक्नुभएन ।
लण्डनको विभिन्न संस्कृतिक कार्यक्रमहरुमा आफ्नो ब्याण्डको गीतहरु गाएर त्यहाँ रहेकाका नेपाली स्रोताहरुको मन जित्न सफल उहाँले अन्ततः आफ्नो नयाँ एलबम लिएर स्रोतामाझ आउन लाग्नुभएको हो ।
उहाँले ल्याउन लागेको ब्रो सीस भोलुम ४ को उक्त एल्बमका गीतको भर्खरै रेकर्डिङ्ग र म्युजिक भिडियो सकेर उहाँ नेपालबाट लण्डनतिरै फकिसक्नुभएको छ । नयाँ बर्ष २०७४ सालसँगै आफ्नो नयाँ एलबमलाई स्रोतमाझ बजारमा ल्याउने उहाँले जानकारी दिनुभयो ।
उक्त एलबमलाई उहाँले नेपालमै आएर विमोचन गराउने योजनामा रहनुभएको छ । सो एल्बममा ‘चन्चले…’, ‘मन मेरो…’, ‘पागल प्रेमी (नयाँ भर्सनमा) …’ आदी बोलको गीतहरु समावेश गरिएको उहाँले बताउनुभयो ।
चाँडै बजारमा ल्याउने तयारीमा रहेको उक्त नयाँ एल्बमको गीतमा नेपालीको पुरानो मौलिकतालाइ हराउन नदिने उहाँले बताउनुहुन्छ ।
