काठमाडौं – शाहरुख खानको पछिल्लो चलचित्र ‘रईस’ प्रदर्शनमा आएको ६ दिनमा करिब ६ करोड संकलन गरिसकेको छ ।
फिल्मी बजारमा राम्रो प्रशंसा पाइरहेको ‘रईस’ भन्दा पनि शाहरुखकी लेडी लभको भूमिकामा देखिएकी पाकिस्तानी माहिरा खानको रियल जीवन कहानीले सनसनी मच्चाइरहेको छ ।
माहिरा चर्चित तथा महंगो पाकिस्तानी नायिका हुन् । छोटो समयमा उच्च तारिफ पाइरहेकी माहिराको जीवन कहानीले दुनियाँलाई अच्चमित परिरहेको छ । उनी कुनै समय रेष्टुरेण्टमा वेट्रेसको पार्ट टाईम जागिरे मात्र होइन पसलमा झाडु पोछा लगाउने काम समेत गर्थिन भन्दा शुभेच्छुकहरु अच्चममा परिरहेका छन् ।
२१ डिसेम्बर, १९८४ मा पाकिस्तानको कराँचीमा जन्मिएकी उनी १७ बर्षको उमेरमा उच्च शिक्षाको लागि अमेरिका गएकी थिइन् ।अमेरिकामा पढाइको क्रममा उनले एक रेष्टुरेण्टमा वेट्रेसको पार्ट टाईम जागिर गरेकी थिइन् । त्यहाँ पढ्दा उनले एक पसलमा काम पनि गरिन । त्यो पसलमा उनले क्यासियर देखि झाडु पोछा लगाउने काम सम्म गर्थिन् ।
शाहरुखको फिल्ममा प्रशसनीय अभिनय गरेकी उनको कलाकारिता क्षेत्रमा सक्रिय हुनुपूर्व गरेका यस्ता कामले प्रशंसकहरुलाई अच्चममा पारेको छ । क्यालिफोर्नियाको यूनिभर्सिटीमा अंग्रेजी साहित्यमा भर्ना भए पनि उनी एक बर्षपछि नै कलाकार बन्न पढाई छाडेर सक्रिय भएकी थिइन् ।
उनका पिता हफीज खान दिल्लीमा जन्मिएका थिए । भारत–पाकिस्तान छुट्टिंदा पाकिस्तान सरेका थिए । अलि असकरीसँग विवाह गरेकी उनको एक सन्तान समेत छन् ।
