टोकियो – चलचित्र ‘होस्टेल रिटर्नस ‘ जापानको राजधानी टोकियोमा प्रदर्शन हुने भएको छ । नेपालको सफल रिलिजसँगै विदेशबाट पनि उत्कृष्ट प्रतिक्रिया बटुल्न सफल चलचित्र ‘होस्टेल रिटर्नस’को भोलि अर्थात सेप्टेम्बर २७ तारिख आइतबार टोकियोमा प्रदर्शन हुन लागेको हो ।
मेगुरो कुमिन सेन्टरमा हुने प्रिमियरमा जापानी डायस्पोराको समेत सहभागि रहने आयोजकले बताएको छ । यसैबिच टोकियोमा हुने चलचित्र प्रदर्शनमा सहभागि हुन् निर्माता सुनिल रावल र निर्मात्री दुर्गिश रावल स–परिवार टोकियो आइपुगेका छन् ।
चलचित्रलाई इश्वर श्रेष्ठ र सुवास लामिछानेले मिलेर प्रदर्शन गर्न लागेका हुन् । प्रिमियरमा सम्पूर्ण जापानबासी चलचित्रप्रेमी नेपाली दाजुभाई दिदीबहिनीहरु उपस्थितिका लागि आयोजकले आह्वान गरेको छ ।
स्वदेशमा झण्डै ३ करोड ग्रस कमाएको चलचित्रले भूकम्पपछि खस्किएको चलचित्र क्षेत्रलाई लयमा ल्याएको थियो । अर्को वर्ष दुर्गिश फिल्मको अर्को सिनेमा ‘सायद २’ लाई रेडकार्पेट प्रिमियर गर्ने योजनामा छन् सुनिल ।
सुरज भुषाल निर्देशित सिनेमा होस्टेल रिटर्नसमा सुशिल श्रेष्ठ, शशी श्रेष्ठ, नाजिर हुसेन लगायतको अभिनय छ ।****
