सहकारी ठगी प्रकरणमा जोडिएकी ऋषिकेश पत्नी अञ्जला १० लाख धरौटीमा रिहा

समाचार सुन्नुहोस :

काठमाडौँ – सार्वजनिक लेखा समिति सभापति ऋषिकेश पोखरेलकी श्रीमती अञ्जला कोइरालालाई सहकारी ठगी प्रकरणमा मुछिएपछि रिहा गरिएको छ। मोरङ जिल्ला अदालतका न्यायाधीश उद्धवप्रसाद भट्टराईको इजलासले १० लाख रुपैयाँ धरौटीमा रिहा गर्ने आदेश दिएपछि उनी बुधबार नै धरौटी बुझाएर मुक्त भएकी हुन्।

उमागौरी कृषि सहकारी संस्थाको बचत अपचलन आरोपमा उनी फरार रहेकी थिइन्। बुधबार अदालतमा उपस्थित भएर बयान दिएपछि थुनछेक बहस सम्पन्न भएको हो। शिक्षक पेशामा आबद्ध कोइराला मुद्दा दर्ता भएपछि लामो समयसम्म फरार थिइन्। मोरङ प्रहरीले उनी धरौटी बुझाएर रिहा भएको पुष्टि गरेको छ।