काठमाडौं- प्रमुख तीन दल माओवादी, कांग्रेस र एमाले तथा मधेसी मोर्चाले संविधानसभाको म्याद थपअघि ‘क्यालेन्डर’ बनाउने भएका छन् ।‘क्यालेन्डर’ बनाउन तीन दल र मधेसी मोर्चा सहभागी कार्यदल बनाइएको छ । दलहरुले संविधानसभाको थपिने म्याद भित्र काम सक्ने गरी क्यालेण्डर बनाएपछि मात्र म्याद थप्ने छन् ।
आइतबार बिहान बसेको तीन दल र मधेसी मोर्चाको बैठकले शीर्ष नेताहरुको बैठकले क्यालेण्डर बनाउन कार्यदल गठन गरेको हो । कार्यदलमा कांग्रेसबाट कृष्ण सिटौला,माओवादीबाट पोष्टबहादुर बोगटी,एमालेबाट ईश्वर पोखरेल र मोर्चाबाट जयप्रकाश गुप्ता छन् ।
कार्यदलले संविधान निर्माणका लागि गर्नपर्ने बाँकी काम र त्यसका लागि चाहिने समयसीमा सहितको स्पष्ष्ट क्यालेण्डर बनाएपछि मात्र कति म्याद थप्ने विषयमा दलहरुबीच फेरि छलफल हुनेछ ।
म्याद थप गर्न संविधान संशोधनका लागि आइतबार व्यवस्थापिका संसदको बैठक बोलाइएको छ । दलहरुले म्याद थपको विषयमा आइतबार निर्णय लिन नसकेपछि संसदमा मंगलबार मात्र यस विषयमा मतदान हुने भएको छ ।
