नागरिक सरकार माग गर्दै आहृवान गरिएको बन्द फिर्ता

शनिबार बिहान बसेको बन्दकर्ता सातवटै घटकको बैठकले सर्वसाधारणको जनजीवन कष्टकर बन्दै गएको ठहरसहित बन्द फिर्ता लिएको थरुहट अध्यक्ष लक्ष्मण थारुले जानकारी दिए ।

बन्दका कारण जनजीवन ४ दिनदेखि प्रभावित भएको थियो । बन्दका कारण नवलपरासी, रुपन्देही, कपिलवस्तु, दाङ, बाँके, बर्दिया र कैलाली  जिल्लाको जनजीवन कष्टकर बन्दै गएको  थियो ।

बन्दका कारण ती जिल्लामा बिहानैदेखि यातायातका साधन चल्न सकेका छैनन् भने बजार, पसल, शिक्षणसंस्था र कलकारखाना पनि ठप्प थिए ।

कन्चनपुरमा भने स्थानीयवासीको प्रतिकारपछि निर्वाध सवारी सञ्चालन भएका थिए । प्रहरीले स्कर्टिङ गरेर यातायात सञ्चालन गरेको थियो ।