युएई -नेपाल विश्व सहयोग संघ युएई शाखा तथा सामाजिक हृदय समूह नेपालको आयोजनामा युएईमा हाजिरी जवाफ कार्यक्रम हुने भएको छ ।
आगामी नोभेम्बर ८ तारिख दुवईको जाबेल पार्कमा हुन गईरहेको सो प्रतियोगिता युएईमा नै पहिलो हुन लागेको आयोजकको दावी छ ।
युएईमा रहेका संघसंस्था तथा व्यक्तिगतरूपमा समेत प्रतियोगीतामा भाग लिन पाउने जनाइएको छ । एक टिममा तीन सदस्य रहने आयोजक समितिका संयोजक दिपकराज पौडेलले बताए ।
उक्त हाजिरीजवाफ प्रतियोगीतामा भाग लिनको लागि नोभेम्बरको ४ तारिख सम्म आफ्नो टिम दर्ता गराइसक्नुपर्ने कुरा पनि संयोजक पौडेलले बताए ।
उक्त प्रतियोगिताको दिनसम्म नेपालीहरूको दोस्रो महान पर्व तिहार सकिए तापनि शुभ दीपावलीको शुभकामना आदान-प्रदान सहित प्रतियोगिता हुन लागेको आयोजकले बताएको छ । ***
