कुबेतविरुद्ध नेपालको रोमाञ्चक जीत

काठमाडौं- एसीसी ट्वान्टी – २० खेलमा नेपालले कुबेतलाई १ रनले जितेको छ।

त्रिवि क्रिकेट मैदान कीर्तिपुरमा मंगलबार भएको रोमाञ्चक खेलमा अन्तिम १ बल बाँकी रहँदै अन्तिम विकेट झारेपछि नेपालले सनसनीपूर्ण खेल आफ्नो कब्जामा पारेको हो । सेमिफाइनलका लागि नेपाल जित्नै पर्ने दबाबमा थियो ।

१ सय २७ रनको चुनौतीको सामना गर्न आएको कुवेतलाई नेपाली बलरहरुले १ सय २५ रनमा सीमित गराए।

यसअघि ब्याटिङ थालेको नेपालले निर्धारित २० ओभरमा ६ विकेट गुमाउँदै १ सय २६ रन जोडेको थियो । नेपालले सेमिफाइनल प्रवेशका लागि यो खेल निर्णायक थियो।

यसअघिका दुई प्रतियोगितमा नेपालले एकमा जीत र अर्कोमा पराजय भोगिसकेको थियो ।