ओम अस्पतालको पर्खालमा महानगरले चलायो डोजर

समाचार सुन्नुहोस : 

काठमाडौँ – काठमाडौंको चाबहिलस्थित ओम अस्पतालको कम्पाउन्ड पर्खालमा आइतबार काठमाडौं महानगरपालिकाले डोजर चलाएको छ। सार्वजनिक जग्गाको संरक्षण गर्ने अभियान अन्तर्गत, काठमाडौं उपत्यका विकास प्राधिकरण र महानगरपालिकाले अस्पतालले सार्वजनिक जग्गा अतिक्रमण गरेको ठहर गर्दै सो कदम उठाएका हुन्।

धोबीखोला करिडोरमा पर्ने पर्खालसहित त्यहाँ रहेका अन्य अवैध संरचनाहरू पनि भत्काइएको महानगरले जनाएको छ। २०७९ सालमा बालेन्द्र शाह (बालेन) मेयर निर्वाचित भएपछि काठमाडौं महानगरले अतिक्रमित सार्वजनिक जग्गा फिर्ता गर्ने अभियानलाई तीव्रता दिएको हो। यसअन्तर्गत, सार्वजनिक जमिनमा बनेका अवैध संरचनाहरू हटाउने काम निरन्तर भइरहेका छन्।