रवि लामिछानेसहित ४२ जनाविरुद्ध रुपन्देहीमा मुद्धा दायर

समाचार सुन्नुहोस : 

काठमाडौँ – बुटवलको सुप्रिम सहकारी ठगी प्रकरणमा राष्ट्रिय स्वतन्त्र पार्टीका सभापति रवि लामिछानेविरुद्ध रुपन्देहीमा समेत मुद्दा दर्ता भएको छ। जिल्ला सरकारी वकिल कार्यालयले लामिछानेसहित थप १४ जनामाथि मुद्दा दर्ता गरेको छ। यसअघि सोही प्रकरणमा २८ जना प्रतिवादी बनाई मुद्दा अगाडि बढाइएको थियो।

लामिछानेविरुद्ध मात्रै व्यक्तिगत २ करोड र सामूहिक २ करोड गरी चार करोड रुपैयाँभन्दा बढी बिगो मागदाबी गर्दै मुद्दा दायर भएको छ ।   प्रहरीले सुरुमा २८ जना विरुद्ध प्रतिवेदन पेस गरेकोमा पूरक जाहेरीका आधारमा लामिछाने र जोशीसहित थप १४ जनालाई समेटेर ४२ जना प्रतिवादी बनाई मुद्दा चलाउनुपर्ने राय दिएको थियो।

हाल रवि लामिछाने कास्की र काठमाडौँ जिल्ला अदालतबाट धरौटीमा रिहा भई हिरासत बाहिर रहेका छन्।