जापानको जितमा साउदी अरेबियाको पहिलो हार

काठमाडाैं – फिफा विश्वकप कतार २०२२ को एसियन छनोटको तेस्रो राउन्डको खेलमा जापानले शीर्षस्थानमा रहेको साउदी अरेबियालाई पराजित गरेको छ । जापानले घरेलु मैदानमा साउदी अरेबियामाथि २-० को जित निकालेको हो ।

साइतामा स्टेडियम जापामा मंगलबार राति भएको खेलमा घरेलु टोलीको जितमा ताकुमी मिनामिनो र जुन्या इटोले गोल गरे । जापानले पहिलो र दोस्रो हाफमा समाम एक गोल गर्न सफल भएको थियो ।

यो जितपछि जापान समूह ‘बी’ मा ८ खेलबाट १८ अंक जोडेर दोस्रो स्थानमा यथावत रहेको छ । पराजित साउदी अरेविया समान ८ खेलबाटै १९ अंक जोडेर शीर्षस्थानमा रहेको छ ।