काठमाडौं – मार्को एसेन्सियोले ह्याट्रिक पूरा गरेको खेलमा रियल मड्रिडले स्पेनिस ला लिगा फुटबलमा सानदार जित निकालेको छ । बुधबार राति भएको खेलमा रियलले मालोर्कालाई ६–१ ले हराएको हो ।
घरेलु मैदानमा रियललाई जित दिलाउन खेलको तेस्रो मिनेटमा बेन्जिमाले गोल गर्दै टिमलाई अग्रता दिलाएका थिए । रियलका लागि २४औँ मिनेटमा एसेन्सियोले गोल गर्दै टिमको अग्रता दोब्बर पारे । मार्लाेका लागि २५औँ मिनेटमा लीले गोल गर्दाै टिमलाई २–१ गोलको अवस्थमा ल्याए ।
२९औँ मिनेटमा एसेन्सियोले व्यक्तिगत दोस्रो गोल गर्दै रियललाई ३–१ को अग्रता दिलाए । एसेन्सियोले ५५औँ मिनेटमा ह्याट्रिक पूरा गर्दा रियलले ४–१ को अग्रता बनायो । रियलका लागि बेन्जिमाले ७८औँ मिनेटमा व्यक्तिगत दोस्रो गोल गर्दै रियललाई ५–० को अग्रता दिलाए । खेलको ८४औँ मिनेटमा इस्कोले गोल गरेपछि रियलले ६–१ को सानदार जित निकाल्यो ।
जितसँगै रियल लिगको शीर्ष स्थानमा उक्लिएको छ । रियलले ६ खेलबाट १५ अंक जोडेको छ । मालोर्का ८ अंक जोडेर १०औँ स्थानमा छ ।
