विराट कोहलीले बैंगलोरको कप्तानी पनि छाड्ने

काठमाडौं – विराट कोहलीले इन्डियन प्रिमियर लिग क्रिकेट (आईपीएल) को १४औं सिजन सकिएपछि रोयल च्यालेन्जर्स बैंगलोरको कप्तानी छाड्ने बताएका छन् ।

युएईमा आईपीएल २०२१ को सेकेण्ड लेग सुरु भएको दिन कोहलीले कप्तानी पद छाड्ने घोषणा गरेका हुन् ।

अर्को वर्ष आईपीएलमा दुई टिम थपिदैँछन् भने मेगा अक्सनसमेत हुनेछ ।

कोहली सन् २०१३ देखि बैंगलोरको कप्तान छन् । उनको कप्तानीमा बैंगलोरले १३२ खेल खेल्दा ६२ मा जित हात पारेको छ । यस्तै ६६ खेलमा पराजित हुँदा चार खेल नतिजाविहीन सकिएको थियो ।

कोहलीले केही समयअघि मात्रै टी२० विश्वकपपछि भारतको टी२० कप्तान पदसमेत छाड्ने घोषणा गरिसकेका छन् ।