अमेरिकालाई हराउँदै क्यानडा महिला फुटबलको फाइनलमा

काठमाडाैं – जेसी फ्लेमिङको गोलमा क्यानडाले विश्व विजेता अमेरिकालाई १-० ले हराउँदै महिला फुटबलको फाइनलमा स्थान बनाएको छ । क्यानडाको जितमा फ्लेमिङले ७४औं मिनेटमा पेनाल्टीमा गरेको गोल निर्णायक बन्यो ।

क्यानडाले अब अस्ट्रेलिया र स्विडेनबीचको विजेतासँग प्रतिस्पर्धा गर्नेछ । क्यानडाले २००१ पछि अमेरिकालाई हराएको यो पहिलो पटक हो । अमेरिका रियो ओलम्पिकमा पनि क्वार्टर फाइनलमा स्विडेनसँग हारेको थियो ।