ब्राजिल टोकियो ओलम्पिक फुटबलको सेमिफाइनलमा

काठमाडौँ – ब्राजिल टोकियो ओलम्पिक फुटबलको पुरुषतर्फको सेमिफाइनलमा पुगेको छ । आइतबार सम्पन्न खेलमा ब्राजिलले इजिप्टलाई १-० गोल अन्तरले पराजित गर्दै सेमिफाइनलमा पुगेको हो ।

ओलम्पिक गोल्ड मेडलको डिफेन्डिङ च्याम्पियन समेत रहेको ब्राजिलको जितका लागि खेलको ३७औँ मिनेटमा माथेयुस चुन्हाले गरेको गोल नै निर्णायक गोल भएको थियो । अब ब्राजिलले मेक्सिको र दक्षिण कोरियाबीचको विजेतासँग सेमिफाइनलमा खेल्ने छ ।

यसअघि आयोजक जापान र स्पेन सेमिफाइनलमा पुगिसकेका छन्  सेमिफाइनलका खेल मंगलबार हुने छ ।