टोकियो ओलम्पिकः खाली हात भए जोकोभिच

काठमाडाैं – विश्व नम्बर एक नोभाक जोकोभिच ओलम्पिकमा पदकविहीन बनेका छन् । आज कास्य पदकका लागि भएको खेलमा सर्वियाका जोकोभिच स्पेनका पाब्लो कारेनो बुस्टासँग ६-४, ६-७(६), ६-३ को सेटमा हारेका हुन् ।

दुई दिनमा जोकोभिचको यो तेस्रो हार हो । यसअघि उनी जर्मनीका एलेक्जेन्डर जेरेभसँग र मिक्स डबलको सेमिफाइनलमा हारेका थिए । जेरेभसँग हारेसँगै जोकोभिचको गोल्डेन स्लाम जित्ने सपना समाप्त भएको थियो ।