ओलम्पिक-२०३२ को आयोजना ब्रिसबेनले गर्ने

काठमाडाैं – अस्ट्रेलियाको ब्रिसबेन सहरले २०३२ मा ओलम्पिक आयोजना गर्ने भएको छ । बुधबार ब्रिसबेनको विरुद्धमा अन्यको दाबेदारी नपरेपछि ३२ वर्षपछि अस्ट्रेलियामा ओलम्पिक फर्किएको हो ।

अस्ट्रेलियाले पछिल्लो पटक २००० सिड्नी ओलम्पिक आयोजना गरेको थियो । त्यसअघि १९५६मा अस्ट्रेलियाको मेलबर्नमा ओलम्पिक आयोजना गरेको थियो । २०२४ को ओलम्पिक पेरिस र २०२८ को लस एन्जेल्समा आयोजना हुनेछ ।