ओलम्पिक जाने एथलेटिक्स प्रशिक्षक मल्ललाई कोरोना

काठमाडौं – जापानमा आयोजना हुने टोकियो ओलम्पिकमा सहभागिता जनाउने एथलेटिक्स प्रशिक्षक इन्द्रकुमारी मल्ललाई कोरोना संक्रमण देखिएको छ । जापान प्रस्थान गर्नुअघि गरिएको परिक्षणमा प्रशिक्षक मल्ललाई कोरोना पोजेटिभ देखिएको हो ।

ओलम्पिकका लागि एथ्लेटिक्स टोली जुलाइ २५ मा टोकियो प्रस्थान गर्ने कार्यक्रम थियो । त्यही अनुसार एक सातासम्म कोरोना परीक्षण गर्नुपर्नेमा हिजो पहिलो दिन नै कोरोना संक्रमण पुष्टि भएको नेपाल ओलम्पिक कमिटीका महासचिव निलेन्द्रराज श्रेष्ठले जानकारी दिए । उनीसँगै परीक्षण गराएकी खेलाडी सरस्वती चौधरीको भने नेगेटिभ रिपोर्ट आएको छ ।

यद्यपि उनी सिधा कन्ट्र्याक ट्रेसिङमा परेकी छन् । लगातार सात दिनसम्म परीक्षणको नतिजा नेगेटिभ आएमा उनी भने जापान जानेछिन् । सरस्वतीले ओलम्पिकमा १ सय मिटर दौडमा प्रतिस्पर्धा गर्नेछिन् ।